صہیونی افواج کا غزہ پر زمینی حملہ، شہدا کی تعداد 260 ہوگئی

مہر خبررساں ایجنسی نے عرب ذرائع کے حوالے سے نقل کیا ہے کہ فضائی بمباری کے بعد صہیونی افواج نے غزہ پر زمینی حملے بھی شروع کردیے ہیں۔ شدید گولہ باری کے نتیجے میں مزید 12 فلسطینی شہید ہوگئے جبکہ 11 روز سے جاری بربریت کے دوران شہدا کی تعداد 260 ہوگئی۔ صیہونی فوج علی الصبح بھاری ٹینکوں کی مدد سے سرحد عبور کرتے ہوئے غزہ میں داخل ہوگئی اور شدید گولہ باری کی جس کے نتیجے میں مزید 12 فلسطینی شہید ہوگئے۔ دوسری جانب حماس نے اسرائیلی وزیراعظم کو متنبہ کیا کہ زمینی کارروائی کی صورت میں صیہونی فوج کو بھاری قیمت ادا کرنا ہوگی۔ واضح رہے کہ 8 جولائی سے غزہ میں اسرائیلی بربریت کے دوران 260 افراد شہید اور 1600 سے زائد زخمی ہوچکے ہیں جبکہ امریکہ اور اقوام متحدہ غزہ میں اسرائیلی بربریت پر خاموش تماشائی بنے بیٹھے ہیں۔